Litir-naidheachd Samhradh 2025: Naidheachdan, Dreuchdan & Cothroman

Halò bhon sgioba Alumni aig UHI,

Tha sinn air leth toilichte na naidheachdan agus na cothroman as ùire a phàirteachadh ribh mar phàirt de choimhearsnachd nan alumni againn. Co-dhiù a tha sibh airson gàirdeachas a dhèanamh ris an turas agaibh, pàirt a ghabhail ann a bhith a’ cruthachadh na tha ro UHI san àm ri teachd, no dòighean a rannsachadh airson ur cùrsa-obrach a leasachadh - tha rudeigin an seo dhuibhse.

Tapadh leibh airson a bhith nur pàirt den lìonra alumni againn a tha a’ sìor fhàs air feadh na h-Alba agus nas fhaide às.

 

Innsibh an naidheachd agaibh fhèin

Tha an iomairt againn Càit a bheil sibh a-nis? a’ cur am follais nan slighean brosnachail a ghabh na h-alumni againn bho cheumnaich iad.

🌟 Leughaibh naidheachd Therese

Bhitheamaid anabarrach toilichte an tè agaibhse a chluinntinn cuideachd! Bidh gach naidheachd a’ cuideachadh oileanaich a th’ ann an-dràsta agus ceumnaichean san àm ri teachd gus na cothroman a tha romhpa fhaicinn.

 

Feuchaibh am bi sibh nur ball den Fhonndas – cuidichibh a bhith a’ dealbhadh na tha ri teachd do UHI

Tha cuireadh ga thoirt do alumni UHI beachdachadh air a bhith nam buill de dh’Fhonndas UHI – buidheann chudromach a chuidicheas agus a bheir buaidh air a’ chùrsa ro-innleachdail a thogas com-pàirteachas an oilthigh.

Tha caochladh eachdraidhean is gnàth-eòlais aig buill an Fhonndais, agus seallaidhean luachmhor a chuidicheas le bhith a’ stiùireadh ar misein, ar luachan agus na dòighe air am fàs sinn san fhad-ùine. ’S e cothrom a th’ ann a bhith mar phàirt de choimhearsnachd chom-pàirteachas an oilthigh nas fharsainge ann an dòigh bhrìoghmhor.

Ma tha ùidh agaibh cur ri beatha is riaghladh UHI, tha sinn a’ moladh gu mòr dhuibh tagradh a dhèanamh. Neo, mas aithne dhuibh cuideigin a dh’fhaodadh a bhith freagarrach, na bithibh leisg am fiosrachadh seo a thoirt seachad.

Ma tha ceist sam bith agaibh mus cuir sibh a-steach iarrtas, cuiribh fios chun an Oll Fiona Ni​c Ill Eathainn, Reachdair an Fhonndais.

 

Cuiribh ris a’ chùrsa-obrach agaibh le Handshake

Cha tig an turas agaibh le UHI gu crìch aig ceumnachadh - tha cothrom aig seann oileanaich air Handshake, portal dhreuchdan UHI, gus liostaichean obrach, inntearnasan, tachartasan agus cothroman lìonrachaidh a sgrùdadh.

💼 Cothrom air a shoilleireachadh - teclan: Inntinnean cruthachail a dhìth!

Bidh Teclan a’ cuideachadh ghnothachasan gus fàs tro fhuasglaidhean didseatach a’ gabhail a-steach leasachadh làraichean-lìn, taic le teicneòlas fiosrachaidh agus margaidheachd didseatach. Tha iad a’ sireadh oileanaich agus ceumnaichean ùra a tha fiosrach, cruthachail agus for-ghnìomhach gus obrachadh air pròiseactan fìor luchd-dèiligidh agus gnàth-eòlas fhaighinn ann an àrainneachd luath-ghluasadach.

👉 Ionnsaich barrachd mu dheidhinn teclan agus cuiribh a-steach an seo

Grad-cheanglaichean - fuirichibh an conaltradh rinn

🎓 Rannsaichibh buannachdan do dh’alumni

📰 Cumaibh sùil air naidheachdan UHI

🔗 Ùraichibh am fiosrachadh conaltraidh agaibh

👥 Thigibh an cuideachd na buidhne againn do dh’alumni air LinkedIn

💜 Tapadh leibh

Leis gach naidheachd a phàirticheas sibh, gach ceangal a nì sibh, gach uair a gheibh sinn ùine no lèirsinn bhuaibh bidh UHI air a chuideachadh gus fàs nas làidire. Tha sibh nur pàirt de choimhearsnachd a tha a’ sìneadh air feadh na h-Alba agus air feadh an t-saoghail - agus cha b’ urrainn dhuinn a bhith na bu mhoiteile.

Le taing,

Sgioba Alumni U​HI

📩 alumni@uhi.ac.u​k

Tha ur prìobhaideachd cudromach dhuinn.

Tha an t-oilthigh dealasach a thaobh a bhith a’ dìon an fhiosrachaidh phearsanta agaibh a rèir nan laghan co-cheangailte ri dìon dàta agus fiosrachadh pearsanta.

Tha am brath prìobhaideachd seo a’ mìneachadh mar a thèid am fiosrachadh pearsanta agaibh a làimhseachadh is ùisneachadh leis an oilthigh.

Faodaidh tu dì-chlàradh aig àm sam bith. Le bhith a’ briogadh air a’ cheangal gu h-ìosal, bidh tu a’ di-chlàradh bho GACH post-d bho UHI. Nam b’ fheàrr leat na dòighean conaltraidh agad innse dhuinn, cuir post-d thugainn aig alumni@uhi.ac.u​​k.

UHI

UHI House, Old Perth Road, Inverness, IV2 3JH