Am prionnsapal agus iar-sheansalair

An t-Ollamh Todd Walker susbaint

An t-Ollamh Todd Walker

BAppSci Phd FIAC GAICD FRSA

Thainig an t-Àrd-ollamh Todd Walker gu Oilthigh na Gàidhealtachd agus nan Eilean mar an treas prionnsapal agus iar-sheansalair againn air an deicheamh ceann-bliadhna againn sa Ghearran 2021.

Is e bith-eòlaiche clionaigeach comasach ann an structar is fuincsean cheallan a th’ ann le teisteanasan làidir teagaisg, rannsachaidh agus comhairleachaidh. Tha ceum le urram den chiad chlas aige ann am bith-theicneòlas meidigeach, PhD ann an eòlas-aillse moileciuileach agus teisteanas ceumnaiche ann an ceannardas agus riaghladh oilthighe, uile bho Oilthigh Charles Sturt.

Tha an t-Àrd-ollamh Walker na àrd-oifigear oilthighe eòlach, le eachdraidh cliùiteach de choileanadh a’ stiùireadh leasachadh acadaimigeach agus eagrachail iom-fhillte oilthighe.

Bha an t-Àrd-ollamh Walker roimhe seo na phròbhaist agus na leas-iar-sheansalair aig Oilthigh New England, a bhios ag obair air grunn àrainnean ann an stàite New South Wales, Astràilia. Bha e a’ stiùireadh nan cùraman acadaimigeach, càileachd is dùthchasach aig Oilthigh of New England agus bha e na chathraiche air Com-pàirteachasan UNE, buidheann trèanaidh clàraichte a’ lìbhrigeadh foghlam adhartach.

Tha e air a bhith ag obair ann an oilthighean roinneil ioma-àrainn ann an Astràilia airson còrr air 20 bliadhna, nam measg sin, Oilthigh Charles Sturt, Oilthigh Ballarat agus Oilthigh Caidreachais Astràilia. B’ ann rè na h-ùine aige aig Oilthigh Caidreachais Astràilia, institiùd ioma-àrainn treas-ìre (foghlam adhartach agus àrd-ìre), cho-stiùirich e cruthachadh an oilthighe tro bhith a’ faighinn agus a’ co-aonadh ri àrainn Gippsland aig Oilthigh Monash mar leas-iar-sheansalair (com-pàirteachadh).

Tha dealas mòr aig an Ollamh Walker airson coimhearsnachdan roinneil, cumhachd àite agus cho cudromach ’s a tha eòlas oileanach càileachdail air a lìbhrigeadh tro fhoghlam treas-ìre.

Tha e pòsta aig Jayne agus tha dithis chloinne aig ìre inbheach aca.

Fiosrachadh bho

Oilthigh na Gàidhealtachd agus nan Eilean
Slighe Nis
Inbhir Nis
IVE 5SQ

Post-d: vice-chancellor@uhi.ac.uk

Julie Riach
Rùnaire Pearsanta a’ Phrionnsapail agus Iar-Sheansalair
Fon: +44 (0)1463 279246
Post-d: julie.riach@uhi.ac.uk