Gàidhlig agus Ceòl Traidiseanta BA (le Urram)
Còd a' Chùrsa: QW53
Modh ionnsachaidh: Bidh sibh ag ionnsachadh a’ mhòr-chuid de làithean na seachdain agus a’ crìochnachadh a h-uile aonad cùrsa/modal san ùine àbhaisteach.
Seòrsa cùrsa: BA (le Urram)
Eadar-nàiseanta: Available to study on-campus
Dèan sgrùdadh aig: Sabhal Mòr Ostaig
Modh ionnsachaidh: Bidh sibh a’ frithealadh chlasaichean aghaidh ri aghaidh aig an àrainn no an t-ionad ionnsachaidh ionadail agaibh., Bidh sibh a’ faotainn chlasaichean agus/no stuthan gu didseatach.,
Fad: Làn-ùine: 4 bliadhna
Modh ionnsachaidh: Bidh sibh a’ frithealadh chlasaichean aig amannan ro-shuidhichte, a chithear air a’ chlàr-ama agaibh., Bidh sibh a’ coileanadh pìosan de dh’obair cùrsa gu neo-eisimeileach. Dh’fhaodadh iad sin a bhith air an suidheachadh leis an òraidiche agaibh no air an taghadh leibh fhèin.
Dè tha sònraichte mun chùrsa seo?
Is e cothrom air leth a th’ ann an seo do sheinneadairean agus luchd-ciùil comasach cothrom fhaighinn air a’ bheairteas mhòr de dhualchas ceòl traidiseanta na Gàidhlig aig cridhe na Gàidhealtachd.
Is e cùrsa sònraichte a th’ anns a’ chùrsa BA (le Urram) ann an Gàidhlig agus Ceòl Traidiseanta far am faigh thu cothrom ceòl, eachdraidh agus dualchas na Gàidhealtachd a sgrùdadh, taobh a-staigh na co-theacsan nas fharsainge de Ghàidhlig agus cuspairean co-cheangailte.
Ionnsachaidh tu bho fharsaingeachd de luchd-ciùil air thoiseach agus speisealaichean acadaimigeach agus bidh cothrom agad semeastar a chur seachad ann an Canada no Èirinn sa bhliadhna Urraim agad.
Feartan sònraichte
- Ionnsaich agus cluich ceòl traidiseanta aig cridhe coimhearsnachd Gàidhlig air an Eilean Sgitheanach
- Leasaich farsaingeachd de sgilean practaigeach a bhios feumail airson cluich nad aonar no ann am buidheann
- Thoir sùil air a’ cheangal eadar ceòl traidiseanta agus cultar na Gàidhlig
- Thoir piseach air na sgilean cànain agad
- Thèid do theagasg le farsaingeachd de luchd-ciùil air thoiseach agus speisealaichean acadaimigeach
- Gabhaidh tu greis-ghnìomhachais a mhaireas trì seachdainean os làimh sa chiad bhliadhna
- Cothrom semeastar a chur seachad ann an Èirinn no Canada sa bhliadhna mu dheireadh agad
Àite-fuirich
Bidh sinn a’ tabhann àite-fuirich oileanach an-latha diugh ann an grunn de na h-àiteachan againn.
Feumalachdan inntrigidh
- 3 teisteanasan àrd-ìre aig ìre BBC no nas àirde. Bhiodh e na b’fheàrr nam biodh Gàidhlig nam measg NO
- 2 A level aig ìre BC no nas àirde
- Bidh agad ri tighinn gu agallamh a dhearbhadh do chomas sa Ghàidhlig agus deuchainn chiùil a dhearbhadh do chomas ciùil
- Cuiribh fòn no teachdaireachd gu Sabhal Mòr Ostaig airson tuilleadh fiosrachaidh mu na tha a dhìth airson an deuchainn-ciùil (audition) airson an cùrsa seo: 01471 888 304 no iarrtas@smo.uhi.ac.uk
- Nota: chan eil a chùrsa seo a gabhail ri tagraichean airson an ath bhliadhna; mar nach eil thu airson gabhail ris a chùrsa am bliadhna, bithidh agad ri ath-thagradh an ath bhliadhna. Brùthaibh air a cheangail airson fiosrachadh eile mu dàil-inntrigidh
Dh’fhaodadh gum biodh e comasach tòiseachadh air bliadhna 2 le:
- CertHE An Cùrsa Adhartais
- CertHE An Cùrsa Comais
- CertHE Gàidhlig agus Conaltradh
Dh’fhaodadh gum biodh e comasach tòiseachadh air bliadhna3 le:
- DipHE Gaelic agus Cuspairean Co-cheangailte
Slighean inntrigidh
- Taisbeanadh ciùil 1
- Teòraidh, cruthachadh agus rianachadh 1
- Faic An Cùrsa Comais (An Cùrsa Comais (English)) no Gàidhlig agus Conaltradh (Gaelic and Communication) airson mhodalan eile
- Greis-ghnìomhachais a mhaireas trì seachdainean
- Taisbeanadh ciùil 2
- Teòraidh, cruthachadh agus rianachadh 2
- Òrain Gàidhlig 2
- Eachdraidh Cèol na Gàidhlig 2
- Taisbeanadh ciùil 3
- Òrain Gàidhlig 3
- Eachdraidh Cèol na Gàidhlig 3
- Sgilean proifeiseanta, taisbeanaidh agus rianachd
- Teagasg ciùil 1
- Taisbeanadh ciùil 4
- Riochdachadh le teama
- Teagasg ciùil 2
- Cruinneachadh de dh’obair theòraidh agus rianachaidh
- Clàradh agus riochdachadh
- Tràchdas
Ciamar a dh’ionnsaicheas mi?
- Làn-ùine
- Ionnsachaidh tu tro òraidean agus clasaichean aghaidh-ri-aghaidh, agus obair phractaigeach chiùil aig Sabhal Mòr Ostaig san Eilean Sgitheanach
Dè cho fad ’s a mhaireas an cùrsa agam?
- Làn-ùine: 4 bliadhna @ 40 uairean gach seachdain
Tha an àireamh de dh’uairean gach seachdain a’ ciallachadh na h-àireimh iomlan de dh’uairean a bu chòir dhut cuir seachad air a’ chùrsa, a’ gabhail a-steach ùine a chuireas tu seachad ann an òraidean agus an ùine agad fhèin a chuireas tu seachad air obair agus rannsachadh fa leth.
- Sabhal Mòr Ostaig
A’ tòiseachadh
- An t-Sultain
Cìsean
For information on costs of this course please contact the campus where you wish to study.
Maoineachadh
Dh'fhaodar sgoilearachdan is tùsan maoineachaidh a bhith ri fhaotainn. Cuir fios air a' cholaiste airson barrachd fiosrachaidh.
Dè as urrainn dhomh dèanamh nuair a choilionas mi an cùrsa agam?
Aon uair ’s gun coilion thu an cùrsa BA (le Urram) ann an Gàidhlig agus Ceòl gu soirbheachail, faodaidh gum bi ùidh agad anns na dreuchdan a leanas:
- Ceòl mar dhreuchd
- Roinn chultarail na Gàidhlig
- Na meadhanan Gàidhlig
- Foghlam
Bheachdaich mi air dol gu Oilthigh Ghlaschu agus Dhùn Èideann ach cho luath 's a fhuair mi an tairgse airson ionnsachadh aig Sabhal Mòr Ostaig ghabh mi rithe, dìreach! Bidh sinn a’ faighinn uiread de thaic, bidh na h-òraidichean an còmhnaidh ann uair sam bith a bhios feum againn orra ma tha ceistean sam bith againn, gu math tric cha bhi na h-òraidichean ach aon phost-d air falbh bhuainn, agus faodaidh sinn dol gam faicinn nuair a bhios sinn air an àrainn. Bidh iad an seo uair sam bith. Bidh sinn a’ faighinn tòrr oideachaidh aon-ri-aon an seo – bidh sibh a’ faireachdainn gu bheil sibh a’ faighinn tòrr taice.
Tha tòrr a’ tàchairt an còmhnaidh air an àrainn, tha daonnan tachartasan ann a bhios sinn a’ dol chuca. Bidh clasaichean còmhraidh, farpaisean-cheist agus cèilidhean againn. Chan bhi sibh uair sam bith nur suidhe is fadal oirbh, bidh an t-uabhas an còmhnaidh a’ dol agus tha a h-uile sian cho faisg air làimh. Bha àitichean-fuirich nan oileanach dìreach baibheil, na seallaidhean a chì sibh gach madainn an àm a bhith a’ dùsgadh le fradharc air a’ mhuir. A h-uile duine a tha san àros agam an-dràsta, tha iad air cùrsa ciùil cuideachd, rud a tha air a bhith sgoinneil leis gu bheil mi an còmhnaidh air mo chuairteachadh le ceòl.
Bhithinn a’ moladh a’ chùrsa seo 100%, tha mi a’ smaoineachadh gur e fìor dheagh àite a th’ ann airson ionnsachadh. Gu sònraichte an seo anns an Eilean Sgitheanach, ’s e coimhearsnachd air leth a th’ ann, tha sibh eòlach air a h-uile duine air an àrainn, agus a’ faireachdainn gu bheil sibh mar phàirt de theaghlach. Is e àite ciatach a th’ ann airson ionnsachadh.
Tha Amber a’ dèanamh BA (le Urram) Gàidhlig is Ceòl Traidiseanta aig Sabhal Mòr Ostaig, fear de chom-pàirtichean UHI.
Cuir a-steach airson Gàidhlig agus Ceòl Traidiseanta BA (le Urram)
Tha sinn air leth toilichte gu bheil thu a' beachdachadh air ionnsachadh aig Oilthigh na Gàidhealtachd agus nan Eilean. Tha siostam inntrigidh UHI cothromach is fosgailte agus sinn dealasach a bhith a' tairgsinn co-ionannachd cothruim is a' seachnadh leth-bhreith. Bidh gach tagradh air a mheas a rèir airidheachd agus comas coileanaidh, gun leth-bhreith a thaobh gnè, aois, ciorraim, cinnidh no suidheachaidh shòiseo-eaconamaich. Bidh sinn a' cur fàilte air iarrtasan bho gach uile duine a tha ag iarraidh bhith na oileanach leinn agus tha e na amas againn seirbheisean iomchaidh is èifeachdach a thabhann do oileanaich le ciorraman.