Gàidhlig agus Foghlam BA (le Urram)

Dè tha sònraichte mun chùrsa seo?

Is e prògram foghlam thidsearan tro mheadhan na Gàidhlig a tha anns a' chùrsa BA (le Urram) Gàidhlig agus Foghlam.

Tha am prògram a’ tabhann teisteanas ann am foghlam tro mheadhan na Gàidhlig sa bhun-sgoil no ann an Gàidhlig mar chuspair san àrd-sgoil. Bidh 30 seachdainean de ghreisean-sgoile mar phàirt den teisteanas seo: 3 seachdainean air Bliadhna 1, 6 seachdainean air Bliadhna 2, 9 seachdainean air Bliadhna 3, agus 12 seachdain air Bliadhna 4.  

Tha am prògram seo a’ tabhann slighe dhìreach a-steach gu teagasg Gàidhlig aig ìre bun-sgoile no ìre àrd-sgoile. 

Feartan sònraichte

• Tha a’ mhòr-chuid dhen chùrsa air a lìbhrigeadh agus air a mheasadh tro mheadhan na Gàidhlig 
• Gheibh thu an cothrom Ceum le Urram agus teisteanas teagaisg fhaighinn taobh a-staigh ceithir bliadhna 
• Tha am prògram fosgailte do dh’fhileantaich agus luchd-ionnsachaidh 
• Bidh thu fileanta sa Ghàidhlig aig deireadh Bliadhna 1, le tuilleadh chothroman daingneachadh cànain a dhèanamh tron phrògram air fad  
• A bharrachd air eòlas teagaisg, bheir an cùrsa sgilean sònraichte dhut ann am foghlam bogaidh agus foghlam dà-chànanach 
• Bheir am prògram cothrom dhut a bhith nad neach-dreuchd meòrachail, a bheir taic ri sàr-ionnsachadh sgoilearan ann am foghlam tro mheadhan na Gàidhlig 

Feumalachdan inntrigidh

• 3 teisteanasan aig Àrd Ìre aig BBC no nas àirde. Bhiodh e feumail nam biodh Gàidhlig (fileantaich) no Gaelic (luchd-ionnsachaidh) Àrd Ìre aig B, no nas àirde, nam measg NO
• 2 A Level aig ìre BC no nas àirde
• Thèid sùil a thoirt air tagraichean le teisteanasan eile mar a nochdas iad

• Mus tòisich an cùrsa, feumaidh tu a bhith soirbheachail ann an agallamh a rèir modh-obrach innntrigidh gu prògram Foghlam Thidsearan ann an Alba. Thèid comas ann an Gàidhlig a mheasadh aig an aon àm airson an cùrsa a bu fhreagarraiche a thaghadh dhut air a’ chiad bhliadhna mar neach-fileanta no neach-ionnsachaidh

• Is e cùrsa PVG aig Ìre 1 a tha seo: feumaidh oileanaich ballrachd sgeama PVG fhaighinn airson greisean-sgoile, a tha mar phàirt riatanach den chùrsa, a choileanadh. Airson barrachd fiosrachaidh, faic duilleag sgeama PVG OGE
• Nam biodh an tagradh agad soirbheachail am bliadhna, dh’fhaodadh tu àite a ghlèidheadh air a’ chùrsa ged a bhiodh tu am beachd bliadhna a chur seachad a’ dèanamh rudeigin eile mus tòisich thu. Mar eisimpleir, siubhal no ag obair mar neach-taic ann an sgoil

• Tha stiùireadh sònraichte aig GTC Scotland mu bhith a’ teagasg cuspair aig ìre na h-àrd-sgoile ann an Alba. Gheibhear barrachd fiosrachaidh an seo: Memorandum on entry requirements to Initial Teacher Education, Scotland (GTCS 2019)
• Tha na teisteanasan gu h-ìosal riatanach airson  teagasg bun-sgoile agus àrd-sgoile ann an Alba. Thathar a’ moladh gum bi iad seo agad mus tòisich thu air a’ chùrsa no aig a’ char as fhaide, ro dheireadh bliadhna 2 den phrògram:
  • Àrd Ìre Beurla aig C no nas fheàrr (no teisteanas co-ionnan) 
  • Matamataig aig Ìre Nàiseanta 5 no Sàr-ìre, An Ìre Choitcheann, Eadar-mheadhan 2 no GCSE aig C no nas fheàrr

Slighean inntrigidh

• Tha Sabhal Mòr Ostaig OGE a’ tabhann An Cùrsa Inntrigidh do luchd-tagraidh aig nach eil eòlas no teisteanas ann an Gàidhlig mar-thà, a bheir cothrom dhaibh na sgilean cànain aca a leasachadh mus tòisich iad air ceum Gàidhlig

Year 1 - CertHE

Is e bliadhna cànain a tha anns a’ Chiad Bhliadhna agus, a rèir do chomasan sa chànan, nì thu fear de na cùrsaichean a leanas:

• CertHE An Cùrsa Comais
• CertHE Gàidhlig agus Conaltradh

Mar phàirt den CertHE agad, nì thu modal ann am practas proifeasanta (Ag Amas air Teagasg 1) - sreath de sheiminearan air practas proifeasanta agus trì seachdainean de ghreis-sgoile ann an sgoil a tha a’ tabhann foghlam tro mheadhan na Gàidhlig. 

Year 2 - DipHE

Modalan riatanach:

• Gàidhlig 2
• Cànan, cultar is cinnidheachd

Bidh cothrom agad taghadh a dhèanamh de mhodailean eile ann an Gàidhlig/cuspairean co-cheangailte, nam measg, litreachas, beul-aithris agus eachdraidh shòisealta nan Gàidheal.

Mar oileanach ann am Foghlam Thidsearan, nì thu dà mhodail ann am foghlam ann am Bliadhna 2: 

• Foghlam Gàidhlig ann an Alba 
• modal ann am Practas Proifeasanta (Ag amas air Teagasg 2) - sreath de sheiminearan air practas proifeasanta agus sia seachdainean de ghreis-sgoile ann an sgoil a tha a’ tabhann foghlam tro mheadhan na Gàidhlig.

Year 3 - BA

Modalan:

• Clann agus an lonnsachadh
• Greisean sgoile 1 (9 seachdainean)
• Gàidhlig 3
• Sgilean rannsachaidh 

agus modailean roghainneil ann an Gàidhlig agus cuspairean co-cheangailte.

Year 4 - BA (Hons)

Modalan:

• An neach-dreuchdail breithneachail is feòrachail
• Greisean sgoile 2 (12 seachdain)
• Tràchdas ceuma

Nì thu cuideachd taghadh de mhodal bho sgeama Gàidhlig is cuspairean co-cheangailte.

Cìsean

Airson fiosrachadh mu chosgaisean a’ chùrsa seo, cuir fios chun a colaiste far a bheil thu airson a bhith ag ionnsachadh.

Maoineachadh

Tha cothrom air maoineachadh is taic-airgid a bharrachd airson a' chùrsa seo. Cuir fios dhan cholaiste airson tuilleadh fiosrachaidh.

Faodaidh oileanaich air prògraman teagaisg Gàidhlig (fo-cheum no for-cheum) tagradh a dhèanamh ri Bòrd na Gàidhlig airson taic-airgid fhaighinn.

Cosgaisean a bharrachd

Thèid cosgaisean siubhail air greisean-sgoile a phàigheadh do dh’oileanaich far a bheil seo iomchaidh agus a rèir Poileasaidh Siubhail Foghlam Thidsearan OGE.