Far a bheil ionnsachadh a’ ciallachadh barrachd
Aig Oilthigh na Gàidhealtachd agus nan Eilean (UHI) tha sinn a’ tabhann measgachadh de chùrsaichean fo-cheum is iar-cheum ann an raon de chuspairean.
Bidh sinn cuideachd a’ tabhann cheumannan rannsachaidh iar-cheum agus leasachadh proifeasanta leantainneach (CPD) agus cùrsaichean goirid ma tha thu airson do sgilean a leudachadh no tòiseachadh air dreuchd ùr.
Tha oileanaich aig cridhe a h-uile rud a nì sinn. Is e do shoirbheachadh ar tomhas.
Tro theagasg, rannsachadh agus iomlaid eòlais den chiad ìre, bidh UHI a’ ceangal ar roinnean ris an t-saoghal - agus a’ toirt an t-saoghail don sgìre againn.
- 48 àite
- còrr is 350 cùrsa
- taic do dh’oileanaich aig cridhe a h-uile rud a nì sinn
- barrachd roghainnean, a’ gabhail a-steach ionnsachadh sùbailte airson còrr is 50 bliadhna
Deiseil airson tuilleadh fiosrachaidh mu bhith ag ionnsachadh leinn? Dèanamaid forfhais >
Na h-àrainnean agus na h-ionadan ionnsachaidh againn
Ge bith càite an tagh thu, gheibh thu eòlas oileanach a tha air leth.
Tha 48 àite aig an lìonra againn de cholaistean, ionadan teagaisg speisealta agus ionadan rannsachaidh aithnichte gu h-eadar-nàiseanta air feadh na Gàidhealtachd ’s nan Eilean, Moireibh agus Siorrachd Pheairt ann an Alba, far a bheil sinn moiteil às ar ceangal ris na cruthan-tìre iongantach agus a’ choimhearsnachd bheairteach againn.
Faigh a-mach:
- Bailtean mòra agus bailtean beaga le coimhearsnachdan beòthail anns an urrainn dhut a bhith an sàs
- Coilltean agus beanntan airson campachadh, baidhseagal-beinne agus coiseachd
- Tràighean iongantach gun chrìch - foirfe airson a h-uile càil leithid snàmh, pàdail-bòrdadh agus caidheagadh
- Àiteachan ainmeil airson biadh is deoch a tha air leth
- Ar cultar inntinneach, le dùin is caistealan, tobhtaichean àileach agus fèisean ciùil is ealain ainmeil air feadh an t-saoghail
Inbhir Nis
Ionnsaichibh ann am prìomh-bhaile na Gàidhealtachd. Dìreach astar beag bho Phàirc Nàiseanta a’ Mhonaidh Ruaidh - a’ Phàirc Nàiseanta as motha san RA - is e àite air leth a th’ ann an Inbhir Nis airson coiseachd, campachadh agus spòrsachan uisge is geamhraidh aig ìre chruinneil.
Ann an seo aig toiseach is deireadh Shlighe a’ Chosta a Tuath 500, rud as do-sheachnaichte eòlas a chur air, a rèir Lonely Planet (2019), cha bhi sibh uair sam bith gun rudeigin ri dhèanamh, le glinn, lochan, beanntan agus tràighean do-dhìochuimhnichte air an stairsich agaibh.
Agus e air a’ bhaile-mhòr as saidhbire ann an cultar san RA (The Times 2019), tha Inbhir Nis air a chumadh le dualchas cultarach saidhbhir na sgìre, bho a chànan agus a eachdraidh chun na h-àrainneachd nàdarra iongantach aige agus a’ bheothalachd a th’ ann a thaobh saoghal nan ealain.
A Tuath, an Iar agus Innse Gall
Ann an cuid de na sgìrean as iongantaiche ann an Alba, tha na 19 àrainnean agus ionadan againn a’ tabhann foghlam den t-seòrsa as fheàrr a gheibhear an àite sam bith san t-saoghal agus cothroman air leth.
Le àrainnean a tha sgapte air feadh Shlighe a’ Chosta a Tuath 500, faodaidh sibh a bhith ag ionnsachadh ann an cuid de na h-àiteachan as suaicheanta san RA. Cuiribh eòlas air co-fharpaisean surfaidh eadar-nàiseanta ann an Inbhir Theòrsa, prìomh-bhaile na RA airson ghnìomhachdan a-muigh sa Ghearastan, linneachan seunta nan sìbhreach san Eilean Sgitheanach no theirigibh a dh’fhaicinn Clachan Chalanais ann an Eilean Leòdhais, a tha ann o chionn 9000 bliadhna.
An gach aon de na suidheachaidhean againn, bidh sinn ag altram àrainneachd ionnsachaidh a tha furanach, in-ghabhalach. Tha an luchd-obrach dìcheallach agus na h-oileanaich againn nan coimhearsnachd dhlùth a chuireas luach air iomadachd agus a bhrosnaicheas daoine fa leth a bhith gan leasachadh fhèin.
Sealtainn
Le uimhir ri dhèanamh air feadh 100 eilean, faodaidh sibh a bhith ri rothaireachd, coiseachd agus streap a-muigh, tadhal air an taigh-dhealbh as fhaide tuath san RA, agus a bhith air ur cuairteachadh le coimhearsnachd ealain thorrach. Mealaibh na tràighean geala gainmhich agus an t-uisge soilleir gorm le snàmh air a’ bhlàr a-muigh, surfadh no seòladh. Faodaidh sibh a bhith ri dàibheadh scuba gus an rannsaich sibh uaimhean fon uisge, long-bhrisidhean eachdraidheil agus riof a tha a’ lùsadh le fiadh-bheatha. Chì sibh na dòbhrain, na madaidhean-cuain is na leumadairean, agus gun teagamh, na pònaidhean beaga Sealtainneach!
Cuiribh eòlas air fèis Up Helly Aa, fèis teine Lochlannach far am bi na mìltean a’ tighinn còmhla a bhith gan èideadh fhèin ann an aodach nan seana Lochlannach, a’ dannsadh agus a’ losgadh long-fhada Lochlannach. Leanaibh ann an ceumannan nan seana Lochlannach san sgìre seo a tha na Geò-phàirc Chruinneil le UNESCO.
Comann Saidheans Mara na h-Alba
Dèan sgrùdadh aig an oilthigh air an tràigh san Òban, air costa an iar na h-Alba. Bi nad phàirt de choimhearsnachd shòisealta fhiùghantach is thaiceil, a’ fuireach air a’ bhlàr a-muigh am measg sheallaidhean iongantach. Rach a shnàmh sa mhuir eadar òraidean, coinneachadh ri caraidean airson coiseachd beinne no turas baidhseagal. Tilg thu fhèin a-steach don bhlàr a-muigh, le seòladh, ràthadaireachd uisge-geal, sreap agus sgitheadh air do stairsich. Thig còmhla ri coimhearsnachd in-ghabhalach, far am bi oileanaich a’ mìneachadh an àite fhèin. Tha ficheadan de chruinneachaidhean oileanach sòisealta ann, biodh sin airson BBQan air an tràigh, pàrtaidhean taighe, sreap thaighean-seinnse agus oidhcheannan film.
Barrachd chothroman airson gnothachas
Barrachd smaoineasan
A’ tabhann farsaingeachd nas motha de roghainnean na colaiste no oilthigh fa leth sam bith
Barrachd iomairtean
Obraichibh còmhla ri luchd-acadaimigeach den chàileachd as àirde san t-saoghal gus ur gnothachas a leasachadh
Barrachd chothroman
Àrdaichibh ur sgilean no togaibh sgilean ùra, is urrainn dhuinn trèanadh a chreideasachadh, cuideachadh le preantasachdan, agus mòran a bharrachd
Barrachd chothroman airson rannsachadh
Tha sinn a’ tabhann obair-lannan nàdarra agus cothroman gun choimeas gus taic a thoirt do rannsachadh aig ìre chruinneil tarsainn farsaingeachd mhòr de chuspairean.
Bidh an luchd-rannsachaidh againn ag obair tarsainn sgiobaidhean, lìonraidhean agus suidheachaidhean air feadh na sgìre agus aig an ìre eadar-nàiseanta.
Tha ar rannsachadh a’ cuimseachadh gu sònraichte air:
- An comann-sòisealta, fèin-aithne, cruth-tìre agus eòlas
- An institiud rannsachadh agus ùr-ghnàthachadh slàinte
- Cùisean mara, saidheans na h-àrainneachd agus innleadaireachd
- Daonnachdan agus ealain