Matt Tyrer

Tha Matt an urra ri bhith a’ toirt seachad ceannardas ro-innleachdail is obrachaidh thar pasgan farsaing is eadar-mheasgte de dh’oileanaich treas ìre, a’ gabhail a-steach trusadh oileanaich dachaigheil is eadar-nàiseanta, margaidheachd trusaidh oileanaich, inntrigidhean is tionndadh thagraichean, foghlam adhartach is dealbhadh sgilean roinneil, ionnsachadh stèidhichte air obair agus preantasachdan.

Mar bhall de Bhuidheann Riaghlaidh Acadaimigeach agus Comataidh Dealbhaidh Acadaimigeach an oilthighe, tha an dreuchd ag obair mar prìomh dhrochaid eadar pasganan acadaimigeach, rannsachaidh agus leasachaidh eaconamach, a’ dèanamh cinnteach gu bheil co-thaobhadh eadar curraicealam, iarrtas margaidh, is gnìomhachd trusaidh, agus a’ fighe a-steach dòigh-obrach ro-innleachdail, stèidhichte air lèirsinn, do fhàs air feadh na h-institiud a tha a rèir Plana Ro-innleachdail UHI 2030 agus a mhisean sònraichte mar chom-pàirteachas feadarail a’ frithealadh choimhearsnachdan dùthchail, roinneil agus eileanach.

Tha còrr is 25 bliadhna de dh'eòlas aig Matt mar phroifeasantach gnìomhachais thar grunn chuspairean a’ gabhail a-steach ceannardas is riaghladh, stiùireadh agus leasachadh ro-innleachdail is obrachaidh, margaidheachd ro-innleachdail, conaltraidhean margaidheachd, rannsachadh margaidh agus togail is riaghladh dhàimhean. Tha BA (le Urram) aige ann an Sgrùdaidhean Gnìomhachais agus PGCert ann an Rianachd Gnìomhachais.