Lauren Geddes

“Tha eòlas air leth agus eadar-dhealaichte air a bhith agam aig UHI, agus bu toil leam comhairle a thoirt do dh’oileanaich gu làithreach agus san àm ri teachd agus am brosnachadh gu bhith ag ionnsachadh aig UHI!

Thòisich mi aig UHI a’ dèanamh HNC Tachartasan agus an uair sin leum mi dìreach a-steach gu Bliadhna 2 den BA (le Urram) Gnothachais is Riaghlaidh, a bha gu tur air-loidhne airson a’ chòrr de mo chuid ionnsachaidh.

Bha an t-atharrachadh bhon HNC chun na h-ìre ceuma gu math uabhasach, agus a dh’aindeoin cuid de dhùbhlain, fhuair mi eòlas math. Bha an cùrsa air leth fiosrachail, agus bha na h-òraidichean sgoinneil. Bha na goireasan ionnsachaidh aig UHI fìor mhath, gu sònraichte na Nooks ùra. Chuidich e gu mòr faighinn air falbh bhon dachaigh beagan làithean (gu h-àraidh tro mhìosan an tràchdais!) agus bha mi tòrr na bu chinneasaiche san Ionad Ghoireasan Ionnsachaidh.

Tha mi air a thighinn a-mach aig a’ cheann eile nas fèin-smachdaichte, tapaidh, brosnachail agus comasach air m’ ùine a riaghladh tòrr nas fheàrr. Tha mi a-nis ag obair aig an Ionad Buaidh ann an Inbhir Nis far a bheil mi ag ionnsachadh diofar rudan co-cheangailte ris a’ cheum agam leithid margaidheachd, ionmhas, rianachd is eile. Tha mi mu thràth a’ cleachdadh uimhir de eòlas bhon chùrsa agam agus tha mi air bhioran airson na tha ri thighinn.”